ABOUT ME
"مرحبًا، أنا حنان فوزي، مؤسسة Hanan Diabetes Coach.
أنا مقيمة في مصر وهنا لأرشدك نحو حياة ذات جودة أفضل
من أنا؟
مرحبًا، أنا حنان فوزي – مثقف سكري معتمد وهيلث كوتش، أؤمن إن كل مريض سكر يستحق يعيش حياة مليانة طاقة وراحة وتوازن… مش بس أرقام على جهاز القياس.
بدأت رحلتي المهنية بعد تجربة شخصية عميقة أثّرت فيّ وغيرت طريقتي في فهم الصحة. تعلمت إن التغيير مش بيحصل بقرار سريع، لكن بخطوات صغيرة، مدروسة، وبوجود دعم حقيقي.
عشان أقدر أكون فعّالة في دعم مرضاي، درست:
مثقف سكري معتمد من الجمعية الأمريكية لمرضى السكري (ISPAD)
مدرب صحه Health Coach معتمد من الاتحاد الدولي للكوتشنج ICF
عضو بجمعيه المثقفين السكريين بافريقيا
تعديل السلوك باستخدام CBT – العلاج المعرفي السلوكي
تغذية علاجية باعتماد من جامعة عين شمس
عضو بالجمعيه المصريه الدوليه للتغذيه و السمنه EISNO
أنا مش بقدم دايت مؤقت أو نصايح عامة.
أنا بشتغل مع كل مريض/مريضة بشكل شخصي، بناءً على احتياجاته، نمط يومه، ظروفه النفسية والجسدية.
نشتغل سوا على تنظيم الأكل، النوم، الحركة، والتوتر – وكل العوامل اللي فعلاً بتأثر على مستوى السكر في الدم.
رؤيتي:
أشوف إن التغيير مش بس في نوع الأكل…
لكن في نظرتنا لأنفسنا، وثقتنا في قدرتنا على التحسن، ووجود حد يساندنا بوعي وإنسانية.
لو كنتِ/كنت بتدور على شخص يساعدك تمشي الطريق مش لوحدك…
أنا هنا علشان أكون معاكي/معاك، بخبرتي، وقلبي، وكل أدوات الدعم
الاختلاف بين مدرب حياة السكري والطبيب:
ما يقدمه مدرب حياة السكري:
دعم شامل لتحسين نمط الحياة وإدارة السكري.
إرشادات لتحقيق التوازن بين الغذاء، النوم، والرياضة.
مساعدة في إدارة التوتر وتحسين الصحة النفسية.
تحفيز مستمر لتبني عادات صحية جديدة.
علاج مشاكل الاكل العاطفي
بناء نظام يومي يضمن تحسن مستوي السكر و تقليل التراكمي
تمكين العملاء من التكيف مع الأعراض والعيش بجودة حياة أفضل.
ما يقدمه الطبيب:
تشخيص السكري وتحديد نوع العلاج المناسب.
وصف الأدوية مثل الأنسولين أو الأدوية الفموية.
مراقبة مستويات السكر في الدم وإجراء الفحوصات الدورية.
علاج المضاعفات المرتبطة بالسكري.
تقديم نصائح طبية دقيقة للحفاظ على الصحة العامة.
ليه بدأت رحلتي مع السكر
ليه بدأت رحلتي مع السكر؟ وليه النهارده بحس إن اللي حصل لينا كان نقطة تحول؟
أنا مش بس مثقفة صحية أو هيلث كوتش لمرضى السكر…
أنا زوجة شافت السكر وهو بيغيّر حياة شاب في أول الثلاثينات،وبيكسر عيلة كاملة بسبب مضاعفاته،
وبيختبرها في أغلى الناس عندها… جوزها.
في 2019، بعد ما جوزي كان بيشتغل استشاري كبير بسلطنة عمان،
جاته جلطة في المخ بسبب ارتفاع السكر،
واتأخر علاجه،وشهرين في العناية المركزة…
رجع بعدها مصر من غير وعي، من غير حركة،
ومن هنا بدأت أنا الرحلة.
مش بس رحلة علاج،
لكن رحلة وعي… فهم… تطوير…
ويمكن كمان رحلة إيمان.
دخلت صفحات، سجلت مستويات، دورت على أي معلومة،بس الحقيقة بدأت تتضح لما فهمت إن السكر مش أرقام بس… هو نمط حياة،
وإن المريض مش محتاج حكم… محتاج دعم.
بدأت أصوّر، أتعلم، أشارك تجربتي،
لقيت نفسي بحب ده،واتعلمت المونتاج،
واتدربت على السوشيال ميديا،ودخلت تدريب وعي،
وشفت الرسالة اللي ربنا كان بيجهزني ليها.
النهاردة بشتغل مع مرضى السكر في دورة “سكرك مضبوط”
في لقائي مع برنامج “دعاء”، حكيّت القصة دي أكتر،
وحكيت ليه أنا مؤمنة إن مريض السكر يقدر يعيش حياته بكفاءة…
لو لقى اللي يفهمه، مش يحكم عليه. لو أنت أو حد بتحبه بيواجه تحدي مع السكر،
ابقى تابعني…علشان الرحلة دي مش لازم تكون لوحدك
"معي أنت في أيد تهتم وتفهم
عندما تبدأ رحلتك معي، فأنت في أيدٍ آمنة.
لأني لا أتعامل مع أرقام وتحاليل فقط، بل أتعامل مع إنسان… له مشاعره، ظروفه، وأحلامه.
أنا هنا لأصغي، لأفهم، ولأرشدك بخبرة ومعرفة عميقة مبنية على العلم، والتجربة، والتعاطف.
سواء كنت في بداية الطريق، أو في مرحلة تشعر فيها بالإرهاق أو الحيرة، ستجد دائمًا من يدعمك، يشجعك، ويمشي معك خطوة بخطوة.
رحلة التغيير مش سهلة، لكن لما تكون في أيدٍ تُدرك المعنى الحقيقي للرعاية… كل شيء يصبح ممكنًا.
Certificates
معًا نحو صحة أفضل وإدارة فعّالة للسكري.
Created with systeme.io